ലാപ് ടോപ്പ് വിതരണം
പടന്ന ഗ്രാമപഞ്ചായത്തിന്റെ 2026-27 വാർഷിക പദ്ധതിയിൽ ഉൾപ്പെടുത്തി മത്സ്യത്തൊഴിലാളികളുടെ മക്കളായ വിദ്യാർത്ഥികൾക്ക് ലാപ്ടോപ്പ് വിതരണം ചെയ്തു. പഞ്ചായത്ത് ഹാളിൽ നടന്ന ചടങ്ങ് ഗ്രാമപഞ്ചായത്ത് പ്രസിഡന്റ് പി.സി. സുബൈദ ഉദ്ഘാടനം ചെയ്തു.
വൈസ് പ്രസിഡന്റ് പി.പി. സുധാകരൻ അധ്യക്ഷത വഹിച്ചു.
ചടങ്ങിൽ ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അശ്വതി പി.വി, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അസിനാർ കുഞ്ഞി കെ, ജനപ്രതിനിധികളായ രാജൻ സി.വി, പവിത്രൻ പയനി, താജുദ്ദീൻ പി.കെ എന്നിവർ ആശംസകൾ നേർന്നു.
സ്കൂൾ പ്രവൃത്തിദിനമായതിനാൽ വിദ്യാർത്ഥികൾക്ക് നേരിട്ട് പങ്കെടുക്കാൻ സാധിക്കാത്തതിനാൽ രക്ഷിതാക്കളാണ് ലാപ്ടോപ്പുകൾ ഏറ്റുവാങ്ങിയത്.
മത്സ്യത്തൊഴിലാളി കുടുംബങ്ങളിലെ വിദ്യാർത്ഥികളുടെ ഉന്നത വിദ്യാഭ്യാസത്തിനും ഡിജിറ്റൽ പഠനത്തിനും ഈ പദ്ധതി ഏറെ സഹായകമാകും. ഫിഷറീസ് വകുപ്പ് പ്രതിനിധി ഷിബിന എം. ചടങ്ങിന് നന്ദി രേഖപ്പെടുത്തി.
